Ishq Shayari

Pagal bana deta hai ye ishq. . !

Jigar jala deta hai ye ishq
Ghum barha deta hai ye ishq

Kabhi kabhi aisa bhi hota hai
Pagal bana deta hai ye ishq

Bikher jaty hain sehra mein taza phool
Umeedain mita deta hai ye ishq

Ujarr jaty hain aabad gharanay
Aisa barbaad karta hai ye ishq

Ik awaara mizaaj ko bhi
Qaidi bana deta hai ye ishq

Jis ne kiya wohi janta hai ‘Gul’
Kia se kia bana deta hai ye ishq.

Itni kar muhabbat k wo khud kahain. .

Itni kar muhabbat k wo khud kahain
Dekho wo mera aashiq aa raha hai. . !

Kuch Zard C Hai Rangat. .

Kuch zard si hai rangat kuch laaghari badan . .
Kia Ishq mein hua hai ae ‘Meer’ haal apna. .

Guzray hain aaj ishq mein hum us maqaam se

Mushkil boht tha ishq ki baazi ka jeetna. .
Hum jeetnay k shauq mein haaray chalay gaye. .

Jaan-e-Aziz Saath Hain. . !

Yun to teri mohabbat’ain jaan-e-aziz sath hain
Apni bhi kuch qabahat’ain jaan-e-aziz sath hain

Sirf ye ik ghazal nahi, is mein hain kuch safaiyan
Ishq ki kuch wazahat’ain, jaan-e-aziz sath hain

Jism hi manzil, talab apny khayal ki nahi
Aur bhi kuch zarurat’ain, jaan-e-aziz sath hain

Apny liye to aik bhi, lamha jaan-e-fiza nahi
Apni kahan rafaqat’ain jaan-e-aziz sath hain

Aisay bandhay hua hain hum, sham-o-seher ki dor mein
Apni tamam kulfat’ain, jaan-e-aziz sath hain

Tum bhi ho is se ba-khabar, hum hain kahan k mo’tabar
Apni tamam qeemat’ain, jaan-e-aziz sath hain

Dil tou behel hi jaye ga, tanha safar mein hum nahi
Guzri hui kaee rut’ain, jaan-e-aziz sath hain. . . !

Ishq Ruswa Tha Magar. . !

Hum se pehly bhi ye martaba-e-daar na tha
Ishq ruswa tha magr yun sar-e-bazaar na tha!

Abhi Aye, Abhi Chalay . .

Ho umr-e-khizar bhi to kahaingy ba-wakt-e-marg
Hum kia kar rahy yahan, abhi aaye abhi chalay. . !

Hum Na Hoty Tou . . !

Hum na hoty to kisi aur k charchay hoty, ,
Khalqat-e-duniya tou kehny ko fasanay mangay. . !

Hum Ne Ishq Gunah Se . .

Hum ne ishq gunah se bartar jana tha. .
Aur dil per ye pehla pathar afsos ka hai. !

Tark-e-Ta’alluq Kar Tou Chukay Hain. . !

Tark-e-ta’alluq kar tou chukay hain, aik imkaan abhi baaqi hai
Aik mahaaz se loot aye hain, aik maidan abhi baaqi hai

Shayad us ne hansi hansi mein, tark-e-wafa ka zikr kiya
Yunhi si ik khush-fehmi hai, itmenaan abhi baaqi hai

Raat’ain us k hijr mein ab bhi, naza’a kay aalam mein kat’ti hain
Dil mein waisi hi wehshat hai, tann mein jaan abhi baaqi hai

Bachpan k is ghar k saray kamray, maliya-mait huay hain
Jis mein hum khaila karty thy, wo daalan abhi baaqi hai

Diye mundair pe rakh aaty hain, hum har sham najanay kyun
Shayad us k laut aany ka, kuch imkaan abhi baaqi hai

Aik adalat aur hai jis mein, hum tum ik din hazir hongy
Faisla sun kar khush mat hona, aik mezaan abhi baaqi hai. . !

Aisi Deewangi Se Kia Haasil?

Quwwat-e-fikr jis mein ghatt jaye
Zehn tareek’ion mein butt jaye
Dil ghubaar-e-alum mein att jaye
Aadmi zindagi se katt jaye

Aisi deewangi se kia haasil?
Is ghum-e-aashiqi se kia haasil?

Ishq aisa to ho k jiski chamak
Dil ki tareeek’ion ko door kary
Fikr ko aabshaar-e-noor kary
Sheesha-e-ghum ko choor choor kary

Aisi deewangi se kia haasil?
Is ghum-e-aashiqi se kia haasil?

Phool Khilnay Ki Gharri. !

Pehlay aap batain mujh ko
Aap ka chehra peela kyun hai?
Aap k kapray mailay kyun hain?
Wo neeli si shirt kahan hai?
Aap ki leather belt kahan hai?
Ainak k number kyun badlay?
Kyun dhundli dhundli hain aankhain?
Kyun itna likhtay parhtay hain?
Aap k in uljhay baalo’n ko
Kon wahan suljhaata ho ga?
Is wehshi, is Maztar dil ko
kon wahan behlata ho ga?
Wo to dasht hai tanhai ka
Chain wahan kab aata ho ga?

Resham jaisy kitny sawaalo’n k guchay hain
Jo pardes se ghar aaty hi khul jaaty hain
Sochta hun mein
Maa’n, mehbooba aur bivi
Ye teeno’n rishtay
Aapas mein jab mil jatay hain
Jaisay Door kahin sehra mein
Taaza Phool Khil Jaatay Hain. . !

Wo Mery Paas Aa Kar Kharri Ho Gai . . !

Mery haalaat ki abtari dekh kar . .
Us k abbu ne thukra diya tha mujhy . .
Phir achanak wo ik anjuman mein mili . .
Apni khamosh palkain jhukaye huay . .
Wo mery pas aa kar kharri ho gai . .
Chand lamho’n talak khanjar-e-khamoshi ..
Dheeray dheeray kalaij’on mein chalta raha. .
Waqt hairan aankho’n ko malta raha. .
Phir zara daair mein mozu-e-guftugu. .
Apny hath aa gaya. .
Yani mosam, siyasat, ghum-e-zidagi. .
Dair tak us se jee bhar k baatain hui’n. .
Phir wo chaltay huay aik pal ko ruki . .
Mujh se kehny lagi:
Shayari se bhala kia mila aap ko?
Sirf palko’n ka num?
Sirf yaado’n ka ghum?
Aap ki shohratain, aap ko besh-o-kam . .
Kuch na de gi kabhi shayari mohtaram. . !
Mat bura maniye ga meri baat ka. .
Ye taqaza hai mojooda haalaat ka. .
Is liye jan-e-man shayari chorr kar. .
Fann k in raigzaaro’n se munh morr kar. .
Ab Dubai aur Musqat ka rukh kejiye. .
Chand barso’n mein jab aap ki jaib mein. .
Aath dus laakh ho’n. .
Tab watan aaiye. .
Aur abu se phir maang lejiye mujhy. !

Yehi Behtar Hai K . .

Yehi behtar hai k katra k nikal janay do
Saamna ho ga to phir tujh pe machal jaonga. !

Bewafa Shayari

Wo kaha karta tha. . !

Wo kaha karta tha
Jab
Mein tujhy bhoolunga
To wo din zindagi ka
Akhri din ho ga
Us raat taaray
Na chamkaingy
Us subha
Suraj na
Nikley ga
Wo kaha karta tha
Meri har
Saans se
Tu wabasta hai
Aaj jab us
Ne rasta badla
Tou
Yaad aya
Wo kaha karta tha

Koi sawaal jo poochay to kia kahoon us se?

Koi sawaal jo poochay to kia kahoon us se
Bicherney walay! Sabab to bata judai ka. . !

Guzray hain aaj ishq mein hum us maqaam se

Guzray hain aaj ishq mein hum us maqaam se
Nafrat si ho gai hai muhabbat k naam se. . !

Geela kaghaz ki tarha zeest hamari thehri.

Geela kaghaz ki tarha zeest hamari thehri. .
Koi likhta bhi nahi, Koi jalata bhi nahi. . !

“Jaan-e-man! Mehsoos mat karna magar

Kitni aasani se us ne likh diya
“jaan-e-man! Mehsoos mat karna magar
In dino’n beemar bhi hoon aur kuch haalaat bhi achy nahi
Raat din socho’n mein gum rehti hoon mein
“Tum” rehti hoon mein
Ik guzarish hai bura mat manna
Mery khat aur meri tasweer’ain tamaam
Mujh ko wapis bhej do
Meri mangni honay wali hai, boht majboor hoon”
Us ki tasweerain aur us k khat tamaam
Meine chun chun kar rawana kar diye
Us ne phir likha k sari zindagi
Apni tehreer’on, tasweer’on ki surat mein sadaa
Ab tumhain dekhungi mein
Apni sanso’n k boht nazdeekh paungi tumhain
Doosro’n k wastay mein bhool jaungi tumhain . . !

Guzar gaya koi thokar laga k aaj mujhay. .

Guzar gaya koi thokar laga k aaj mujhay
K jaisy mein bhi khiza’n ka haqeer patta tha .

Guzarney walay youn sarsari na guzar dil se. .

Guzarney walay youn sarsari na guzar dil se
Muskan shikasta sahi per makeen rakhta tha. !

Chonk parra un ki sadaa per. .

Gardaab mein, chonk parra un ki sadaa per
Ehsaan ye mujh per mery ehbaab na kartay. . !

Is Dil Ne Teray Baad Muhabbat Bhi Nahi’n Ki. .

Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki

Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki

Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki

Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki

Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki

Khamosh tamashaai k manind sir-e-bazm
So zakhm sahay dil pe, shikayat bhi nahi’n ki

Us ghar k sabhi log mujhy chorrney aaye
Dehleez talak us ne ye zehmat bhi nahi’n ki

Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !

Mein Tou Usko Dekhtay Hi. .

Mein tou usko dekhtay hi jaisy pathar ho gaya
Baat tak na munh se nikli be-wafa k saamney. . !

Wo Sitam’gar Mery Marney Pe Bhi Raazi Na Hua. . !

Meine chaha tha andoh-e-wafa se chootu’n
Wo sitam’gar mery marnay pe bhi razi na hua. . !

Majrooh Jin Se Dil Hi Nahi’n. . .

Majrooh jin se dil hi nahi’n, Rooh tak hui. .
Wo teer ittefaq se ik aashna ka tha. . !

Lota Tou Mery Paas Aya. .

Wohi kahi’n bhi gaya, lota tou mery paas aya. .
Bus yehi baat hai achi mery harjaai ki. . !

Zanjeer-e-Wafa . .

Hamary paao’n mein tum ne zanjeer-e-wafa daali, ,
Tumhary haath se kyun rishta-e-mehr-o-karam choota. . !

Tark-e-Ta’alluq Kar Tou Chukay Hain. . !

Tark-e-ta’alluq kar tou chukay hain, aik imkaan abhi baaqi hai
Aik mahaaz se loot aye hain, aik maidan abhi baaqi hai

Shayad us ne hansi hansi mein, tark-e-wafa ka zikr kiya
Yunhi si ik khush-fehmi hai, itmenaan abhi baaqi hai

Raat’ain us k hijr mein ab bhi, naza’a kay aalam mein kat’ti hain
Dil mein waisi hi wehshat hai, tann mein jaan abhi baaqi hai

Bachpan k is ghar k saray kamray, maliya-mait huay hain
Jis mein hum khaila karty thy, wo daalan abhi baaqi hai

Diye mundair pe rakh aaty hain, hum har sham najanay kyun
Shayad us k laut aany ka, kuch imkaan abhi baaqi hai

Aik adalat aur hai jis mein, hum tum ik din hazir hongy
Faisla sun kar khush mat hona, aik mezaan abhi baaqi hai. . !

Hum Hi Mein Na Thi Koi Baat. .

Hum hi mein na thi koi baat jo yaad na tum ko aa sakay
Tum ne humain bhula diya, hum na tumhain bhula sakay. . !